CACAO SEREMÓNÍA OG TÓNHEILUN FÖSTUDAGINN 24. OKTÓBER KL. 18 - 20:30 Í SÁLARRANNSÓKNARFÉLAGI SUÐURNESJA, REYKJANESBÆR
Skráning á viðburð: https://www.srfsn.is/namskei
Vertu velkomin/nn í einlæga og hjartaopnandi cacao seremóníu þar sem þú verður leidd/ur inn á við í djúpa hlustun á hjartað. Þetta er þinn tími til að staldra við í öruggu umhverfi til að næra hjartað, hugann og líkamann. Í þessari stund vinnum við með cacao plöntunni, einföldum öndunaræfingum, leiddri hugleiðslu og tónheilun.
Cacao plantan er magnaður og mjúkur kennari sem hjálpar okkur að tengjast, opna fyrir dýpri skynjun og hleypa inn meira ljósi í lífið.
Í hröðu nútímalegu samfélagi eigum við til að gleyma okkur í áreiti, samanburði og skoðunum annarra. Hér í þessum stundum einblínum við á hjartatenginguna okkar, innri hlustun og samstillingu við eigin náttúru takt.
Það að opna hjartað okkar opnar fyrir dýpri nánd við lífið og eykur þannig vellíðan, frið og gleði í hversdagsleikan.
HVAÐ ER CACAO SEREMÓNÍA?
Við opnum stundina með því að drekka Ceremonial Grade Cacao frá regnskógi Guatemala. Þaðan ferðumst við dýpra inná við í gegnum djúpa leidda hugleiðslu, dýpri öndun og tónheilun.
CACAO THEOBROMA
Er kallaður drykkur guðanna í Mayan ættbálkum suður Ameríku. Þessi drykkur er jafnframt stútfullur af andoxunarefnum, steinefnum, vítamínum og er talinn magnesíum ríkasta planta jarðarinnar. Það hefur bæði slakandi áhrif á hug og hjarta og hjálpar þannig að fara í hugleiðsluástand til að fara dýpra inná við í hvíld, mýkt, kyrrð og hlustun. Þú getur lesið meira um cacao HÉR .
TÓNHEILUN OG SLÖKUN
Í tónheilun er notast við tíðni, hljóma og tóna til að færa okkur í dýpri slökun, jafna orkuflæði líkamans og bæta líkamlega og tilfinningalega vellíðan. Tónheilun getur losað um djúpa streitu og kvíða, róað og nært taugakerfið, bætt svefn, losað um verki, aukið vellíðan og hjálpað líkamanum að heila sig.
Hér ferðumst við djúpt í vitundina og leyfum tónunum að leiða okkur í innra ferðalag.
Það sem þú átt kost á að upplifa:
Samhæfingu á milli hugans og hjartans
Endurræsingu á lífskrafti
Dýpri tengingu við sjálfan þig og æðri mátt
Tilfinningalosun
Sterkara innsæi og dýpri innsýn
Dýpri skynjun og tenging við líkamann
Djúpa slökun og hvíld
Innri hamingju og frið
Dýpri gleði, fegurð og friður í hversdagsleikanum
Mælst er með mæta reglulega fyrir dýpri upplifun og áhrif. Flestir finna áhrifin endast í nokkra daga eða lengur.
PRAKTÍSK ATRIÐI
Frá kl. 18 - 20:30
Verð 6.000 kr.
Hvað þarftu meðferðis eða að vita fyrir stundina:
Vertu í þægilegum og mjúkum fatnaði
Mælst er með að fasta 1,5 - 2 klst fyrir stundina svo þú sért tiltölulega létt/ur í maga í upphafi athafnar
Sleppa mjólkurafurðum og koffíni fyrir stundina
Ef þú ert með hjartasjúkdóm, á þunglyndis- eða kvíðalyfjum er nauðsynlegt að láta Heiðrúnu vita fyrirfram.
TAKMARKAÐ PLÁSS - NAUÐSYNLEGT AÐ SKRÁ SIG
Skráning á viðburð: https://www.srfsn.is/namskei
Heiðrún María hefur starfað sem jógakennari, heilari og rýmis haldari síðan 2019. Hún leiðir reglulega viðburði, cacao seremóníur, námskeið og náttúru retreat allt með þann einlæga ásetning að bjóða uppá örugg, falleg og heilandi rými að opna hjartað og endurvekja sanna sjálfið. Hún hefur ferðast víða um heiminn til að læra með kennurum og meisturum um jóga (400 klst. YTT vinyasa og yin yoga), qi gong (Nicolai Engelbracht), orku heilun (Empath Training, Emotion Code, Body Code), heilög plöntu meðal (Keith Wilson, Júlía Óttars), tónheilun og öndun (Metatronic Breathwork). Þú getur kynnst Heiðrúnu betur og hvað hún býður uppá inná www.heidrunmaria.com